أهلاً بيكي
أنا ياسمين يسري
مهندسة اتصالات وإلكترونيات، زوجة وأم، وصاحبة وكالة Butterfly Digital Marketing
بحب أساعد جداً... وده اللي غيّر حياتي كلها.
أول 5 نقاط قوة عندي
قصتي... من الهندسة للشغف
البداية... البحث عن الشغف
الحقيقة إني مكنتش مرتاحة أبداً في الشغل. كنت عمّالة أدوّر على شغفي... بحب إيه؟ عايزة أعمل إيه في حياتي؟ فضلت أدوّر وأجرّب لحد ما اتعرفت على ناس إيجابية ودخلت مجتمع كله دعم وحب. وقتها حسيت إن في حاجة جوايا بتتغير.
90 ساعة علم نفس إيجابي... وأكتر
درست 90 ساعة علم نفس إيجابي، وبعدها علوم تانية كتير. كل ما بتعلم حاجة جديدة بحس إن الدنيا بتتفتح قدامي أكتر. وفي الرحلة دي لقيت شغفي الحقيقي في التسويق. فبرضو درست كتير جداً... ولسه هفضل أذاكر وأتعلم لأن "فوق كل ذي علم عليم".
4 سنين فريلانسر... والسمعة الطيبة
اشتغلت في التسويق الأول كـ فريلانسر 4 سنين مع عملاء كتير. وكانت السمعة الطيبة بتخليهم دايماً يرشحوني لغيرهم. الحمد لله كان الشغل بيكبر ويكبر... لحد ما لقيت حجم الشغل كبير عليا لوحدي. وقتها قررت أخد الخطوة الكبيرة.
Butterfly... الفراشة اللي طارت
قررت أفتح شركة تسويق إلكتروني. بس الحياة مكنتش وردية بصراحة! قابلت تحديات كتير، وأولهم إني مش فاهمة بيزنس رغم شطارتي في التسويق. حتى خلفيتي في الهندسة ماساعدتنيش في الجزء ده. فقررت أدرس بيزنس وأمزجه مع الكوتشنج لأني مؤمنة إن العقلية هي من أهم العوامل اللي بتنجح أو تفشل أي بيزنس.
بيزنس كوتش معتمدة من الـ ICF
حصلت على دبلومة أكون بيزنس كوتش معتمد من الـ ICF بفضل الله. الوكالة اشتغلت في مجالات كتير وبفضل الله حققنا نجاح ممتاز. بس برضو كان في حاجة كده ماكنتش مريحاني... استخرت واستشرت وقررت أخصصها.
التخصص... للسيدات فقط
قررت أخصص الوكالة للسيدات — للكوتشز والمدربين ومقدمي الخدمات فقط. ليه؟ لأني بحس بيهم وبفهم تحدياتهم. هدفي إني أساعد كل واحدة تبدأ وتتحمس وتخرج أفضل ما فيها وتظهر للسوشيال ميديا وتحقق نجاح وربح وراحة بال.
رسالتي ليكي
لو إنتي كوتش أو مدربة أو صاحبة خدمة وحاسة إنك تايهة في عالم السوشيال ميديا... أنا هنا عشان أمسك إيدك. مش هقولك كلام نظري، هنمشي سوا خطوة بخطوة لحد ما تحققي اللي بتحلمي بيه.